Wednesday, September 14, 2011

ကျွန်တော်နှင့် ကျွန်တော်၏ မှန်ကူကွက်များ

ကျွန်တော်သီအိုရီနှစ်ခုကို တပြိုက်နက်ဖတ်ကြည့်ပြီး အတွေးထဲမှာ ကူကယ်ရာမဲ့ ပိတ်လှောင်ခဲ့ဖူးတယ်။ သီအိုရီ ၁၊၂ ဆိုပါတော့ဗျာ။

သီအိုရီ(၁)
မျဉ်းပြိုင်နှစ်ကြောင်း ဘယ်တော့မှ မဆုံကြ/မဖြတ်ကြ            

            ( သင်္ချာဆိုင်ရာ သီအိုရီတစ်ခုပါ )


သီအိုရီ(၂)
အပြိုင်ထွက်သွားသော အလင်းတန်းနှစ်ခု အနန္တအကွာအဝေးမှာ ဆုံကြ/ဖြတ်ကြ


          ( ရူပဗေဒဆိုင်ရာ သီအိုဲရီတစ်ခုပါ)



အဲဒီနှစ်ခုကို တပြိုက်နက်ဖတ်လိုက်တော့ ကျွန်တော့်အတွေးတွေ ပိတ်လှောင် အကျဉ်းကျသွားပါတော့တယ်။ ဒီလိုပေါ့.........


စက်ဝိုင်းတစ်ခုရဲ့ဗဟိုချက်မှာ ပိတ်မိနေသလိုမျိုး။ ထွက်ပေါက်နတ္ထိ။
       ____________  ။  ____________

အဲဒီလို အကျဉ်းအကျယ်ထဲရောက်လာတဲ့ခါ ကျွန်တော့်ရဲ့ဖြေရှင်းနည်း (၃)မျိုးရှိတယ်ဆိုတာအခုအရွယ်ကျမှ ပြန်ဆင်ခြင်မိပါတယ်။




(၁) ပထမ (under 20) ဖြေရှင်းနည်း



ကျွန်တော်တို့ငယ်ငယ်က ကျောင်းမှာ အပြင်းပြေဆော့ကြတဲ့နည်းလေးပါ။ တုတ်ချောင်းလေး ၄ ချောင်း၊ အမှိုက်ကလေးတစ်စနဲ့ပေါ့။


အပေါ်ပုံက ဂေါ်ပြားထဲမှာရှိနေတဲ့ အမှိုက်လေးကိုမထိပဲ အပြင်ရောက်သွားအောင် နှစ်ချက်ပဲရွှေ့ဆိုတဲ့ ကစားနည်းလေ။ နည်းပေါင်းစုံရွှေ့ကြည့်တဲ့အခါ ဒီလို အောင်မြင်သွားတယ်ပေါ့ဗျာ။ နံပါတ်(၃)တုတ်ချောင်းနဲ့ နံပါတ်(၂)တုတ်ချောင်းကိုပဲ ရွှေ့လိုက်တာလေ။


( ကျွန်တော်ညစ်ပေါက်ကပ်ကျယ်တွေးဖူးတယ်။ လက်ကိုင်ရိုးကို ဆွဲမြှောက်လိုက်မှာပေါ့လို့... ဘယ်ရမတုန်း၊ တကယ့်ဂေါ်ပြားမှ မဟုတ်တာ)

လွတ်မြောက်သွားပြီပေါ့။ အခက်အခဲတစ်ခုခုကြုံလာတိုင်းနည်းပေါင်းစုံဖြေရှင်းကြည့်တယ်။ တစ်ခုခုနဲ့တော့ အဆင်ပြေမှာပဲဆိုတဲ့ အတွေးနဲ့ပေါ့၊ ပေါ့ပေါ့ပါးပါးပါပဲ။
            __________  ။  ___________

(၂) ဒုတိယ (over 25) ဖြေရှင်းနည်း

``စာတွေကအရမ်းခက်တာပဲ။ အောင်ဖို့မလွယ်ဘူး´´ လို့ပြောတဲ့ သူငယ်ချင်းရဲ့ညီ ဆယ်တန်းကျောင်းသားကို ကျွန်တော်ပြောဖူးတယ်။ “ဒီမှာငါ့ညီ......မင်းခုအရွယ် မှာ စာတွေက်ို ကျက်မှတ်လေ့လာဖို့ ဦးနှောက်က ကောင်းကောင်းဖွံ့ဖြိုးနေပြီ။ မင်းရဲ့ကိုယ်ကယခွန်အားနဲ့ ကျန်းမာရေးကလည်း အပင်ပန်းခံလေ့လာသင်ယူနိုင်ပြီ။ မတတ်တာကို သင်ပေးမယ့်ဆရာတွေလည်း အဆင်သင့်။ ဘာများလိုသေးလို့လဲကွာ”
“ငါ့ညီ..မင်းတစ်ချက်လောက် ပြန်စဉ်းစားကြည့်လိုက် ..တို့တွေ လမ်းစလျှောက်တတ်ကာစက ဦးနှောက်ကလည်း မဖွံ့ဖြိုးသေး ၊ ကိုယ်ကာယခွန်အားကရော ဘာများပြည့်စုံသေးလို့လဲ။ ခြေထောက်ကို ဘယ်လိုလှမ်း၊ လက်ကတော့ ဒီလိုလွှဲဆိုပြီး သင်ပေးတဲ့ဆရာရော ရှိခဲ့လို့လား။ လဲကျ....ပြန်ထ.....ဆက်လျှောက်..လဲကျ....ပြန်ထ.....ဆက်လျှောက် ..လဲကျ.....   .....     ဆက်လျှောက်......    .......ဆက်လျှောက်...... အဲဒီလိုနဲ့ရအောင်လျှောက်လာခဲ့တာလေ......။
``တကယ်တော့ တစ်ဘ၀လုံးကြုံကြရမယ့် အခက်အခဲက လမ်းစလျှောက်ရတာလောက် မခက်ပါဘူးကွာ”
လဲကျ.....ပြန်ထ.....ဆက်လျှောက် နည်းနဲ့ ကျွန်တော်ဖြေရှင်းခဲ့ပါတယ်။ နည်းနည်းတော့ပင်ပန်းတယ်။
__________  ။  _________


(၃) တတိယ ( over 30 ) ဖြေရှင်းနည်း

စေတီပုထိုးတွေအနီးမှာ ငှက်ကလေးတွေကို လှောင်ချိုင့်နဲ့ ထည့်ထားတာမြင်တိုင်း အတော့်ကို မွန်းမွန်းကြပ်ကြပ်ကြီးခံစား ရတယ်။ အလွတ်လပ်ဆုံးကောင်းကင်ကြီးထဲမှာရှိနေသင့်တဲ့ ငှက်ကလေးတွေက အကျဉ်းကြပ်ဆုံး လှောင်အိမ်လေးထဲမှာ ပြွတ်သိပ်နေကြရတာလေ။ အဲဒီငှက်ကလေးတွေအားလုံးကို ၀ယ်ပြီးလွှတ်ရလောက်အောင် ငွေကြေးမတတ်နိုင်လို့ နေမထိထိုင်မထိဖြစ်နေတုန်းမှာပဲ..... တစ်ယောက်ကရောက်လာ၊ ငှက်ကလေးတစ်ချို့ကိုဝယ်ပြီးလွှတ်ပေး၊ နောက်တစ်ယောက် .....နောက် .....။ ဒီလိုနဲ့ ငှက်ကလေးတွေအားလုံး လွတ်မြောက်သွားပါတော့တယ်။ ကျွန်တော်လည်း နေမထိထိုင်မသာဒုက္ခက လွတ်မြောက်သွားပါတော့တယ်။ အခက်အခဲ တစ်ခုခုကြုံလာတိုင်း ဘယ်လိုဖြေရှင်းမယ် ဆိုတဲ့နည်းလမ်းကို မစဉ်းစားတော့ပါဘူး။ မျက်စေဖွင့်နားစွင့်ထားပြီး ဒါမျိုးဖြစ်လာရင် ဖြေရှင်းတဲ့သူ တစ်ယောက်ယောက်တော့ရှိမယ်။ အတုယူမယ်။ အဲဒီလမ်းကြောင်းလေးအတိုင်း မျှောလိုက်ပြီး ဖြေရှင်းလိုက်တာပဲ။ နည်းနည်းအချောင်လိုက်တဲ့ ...... ဒီ့ထက်ပိုပြောရရင် လူပါးဝတဲ့နည်းနဲ့ ဖြေရှင်းပါတယ်။ တော်တော်လေးသက်သာပါတယ်။
_________ ။  ________

ဒီကနေ့ ကျွန်တော့်ရဲ့ အတွေးထဲမှာ ပေါ်လာတဲ့အသက်အရွယ်အရ ပြောင်းလဲလာတဲ့ ကျွန်တော့်ရဲ့ အခက်အခဲဖြေရှင်းနည်းတွေကို စကာတိုက်ချလိုက်တဲ့အခါ ဒီလိုတွေ့ရပါတယ်။

နံပါတ်(၁)ဖြေရှင်းနည်း

ပေါ့ပေါ့ပါးပါးပါပဲ။
                  
(ဘယ်နှစ်ကြိမ်မှားမှား နောက်ဆုံးတော့အောင်မြင်တာပဲလေဆိုတဲ့  အတွေးနဲ့ပေါ့)  

နံပါတ်(၂)ဖြေရှင်းနည်း

နည်းနည်းတော့ပင်ပန်းတယ်။


(ငါအောင်မြင်မှဖြစ်မယ်။ ငါလုပ်နိုင်တယ်။ ငါကွ.....ဆိုတဲ့မာန်တွေးလေးနဲ့ပေါ့)
 
နံပါတ်(၃)ဖြေရှင်းနည်း
   
တော်တော်လေးသက်သာပါတယ်။

   
( သူများနည်းလမ်းကို ဘယ်တော့မှမခိုးဘူး.....ငါလည်း ဒီလိုပဲ ဖြေရှင်းလိုက်တာ.....ပုံစံတူသွားလို့သာ ဆိုတဲ့ ဇွတ်လိမ်ထားတဲ့ အတွေးနဲ့ပေါ့)

ဘယ်အတွေးက ပိုကောင်းတယ်။ ဘယ်နည်းနဲ့မှ ဖြေရှင်းသင့်တယ်  ဆိုတာကတော့ ..... .....  .....။      ။

 

ကိုကြည်နိုင်

_____________________________________


ကျွန်တော့်ရဲ့ ရောက်တတ်ရာရာအတွေးစတွေကို

ရေးတတ်သလိုရေးချကြည့်လိုက်တာပါ...

တန်ဖိုးများ

(၁)

လူတွေပြောပြောနေသည့် “တန်ဖိုး” ဟူသော ဝေါဟာရကို ကျွန်တော် ကြားဖူးခဲ့သည်မှာကြပေပြီ။ အကြိမ်ပေါင်းများစွာ။ သို့သော် ထိုဝေါဟာရ၏ အနက်အဓိပ္ပာယ်ကို သေသေချာစွာ ကျွန်တော် မသိသေး။ စီးပွားရေးလောကတွင် ဒိတ်ဒိတ်ကြဲအောင်မြင်နေသော ကျွန်တော့်သခင်၏ ပတ်ဝန်းကျင်တွင် ထိုတန်ဖိုးဟူသော ဝေါဟာရမှာ အတော်တွင်ကျယ်လေသည်။

“ဘော့စ်တို့များ ကားကိုထည်လဲပဲ။ စီးလိုက်ရင်လည်း တန်ဖိုးကြီးပေ့ဆိုတဲ့ နောက်ဆုံးပေါ် အကောင်းဆုံးကားချည်းပဲ”

ထိုသို့ မကြာခဏ ပြောသံကြားနေရသဖြင့် သခင်နှင့်အနီးကပ်ဆုံးနေရသော ကျွန်တော့်အဖို့ “တန်ဖိုး” ဆိုသည်မှာ ငွေကြေး အနည်းအများအပေါ်မူတည်ပြီး သတ်မှတ်သော ဝေါဟာရပင်ဖြစ်လိမ့်မည်ဟု ထင်မှတ်ခဲ့လေသည်။

(၂)

“ရှေးဟောင်းပစ္စည်းပြခန်း” ဆိုသော ပြခန်းတစ်ခုသို့ သခင်နှင့်အတူ ကျွန်တော်ရောက်ဖူးခဲ့သည်။ ထိုပြခန်းရှိ လွန်ခဲ့သောနှစ်ပေါင်းများစွာမှ အိုးခြမ်းပဲ့များ၊ အရိုးများနှင့် အခြားပစ္စည်းအဟောင်းများကို တန်ဖိုးရှိလိမ့်မည်ဟု ကျွန်တော်မထင်ခဲ့။ ကျွန်တော်လုံးဝမှားယွင်းနေပေသည်။


“တကယ့်ကိုတန်ဖိုးမဖြတ်နိုင်တဲ့ ပစ္စည်းတွေပဲ။ ငွေနဲ့ဝယ်ယူလို့မရနိုင်တဲ့သမိုင်းတန်ဖိုးတွေပေါ့”
ကျွန်တော် သခင်ပြောစကားအရ အလွန်အဖိုးတန်သော ပစ္စည်းများဖြစ်ပေလိမ့်မည်။ သို့သော် ၄င်းတို့၏တန်ဖိုးဆိုသည်မှာကား ငွေဖြင့်ပိုင်းခြားသတ်မှတ်ခြင်း မဟုတ်ပြန်။ ဤသို့ဆိုလျှင် “တန်ဖိုး” ဆိုသည်မှာ ပစ္စည်းတစ်ခု၏ သက်တမ်း (နှစ်ပေါင်းတစ်ထောင်၊ တစ်သောင်းစသည် …..) ပေါ်မူတည်ပြီး သတ်မှတ်ခြင်းပေလော။


(၃)


ကျွန်တော့်သခင်နှင့် အလွန်ရင်းနှီးသော ဇနီးမောင်နှံနှစ်ယောက်ရှိလေသည်။ ပြည်တွင်းပြည်ပမှ အသိအမှတ်ပြုဘွဲ့ဒီဂရီ သုံးလေးခု ရရှိပိုင်ဆိုင်ထားပြီး ဘာသာစကားလေးမျိုးကိုကျွမ်းကျင်ပိုင်နိုင်သော ပုဂ္ဂိုလ်ကြီးနှင့် မထင်မရှားတောရွာလေးတစ်ရွာမှသာမန်ဘွဲ့ရသူ့ဇနီးတို့ပင်။ (၉၆) ပါးသောရောဂါဖြင့် ထိုပုဂ္ဂိုလ်ကြီး ကွယ်လွန်ချိန် ...  ....
“ အမလေး .. ကျေးဇူးရှင်ကြီးရဲ့  လူ့အဖိုးတန်ကြီးရဲ့တော်အရင်သွားမဲ့အစား ဘာတန်ဖိုးမှမရှိတဲ့ကျုပ်သာ အရင်သွားသင့်တာတော်ရဲ့ ...အီး...ဟီး..” ကျန်ရစ်သူဇနီးသည်ရဲ့ ပူဆွေးမြည်တမ်းသံ။ ဤသို့ဆိုလျှင် တန်ဖိုးဆိုသည်မှာ ဘွဲ့ထူး၊ ဂုဏ်ထူးများဖြင့်သတ်မှတ်ပါသလား။ ဘာသာစကားကျွမ်းကျင်မှုကိုကြည့်၍ ဆုံးဖြတ်ပါသလား။ ဥာဏ်ပညာကြီးရင့်ခြင်းသည် တန်ဖိုးကြီးခြင်းလား ။


(၄)


“ဒီနာရီအစုတ်ကြီးများ ပတ်နေရသးတယ်ဘော့စ်ရာ …..။ အဖိုးတန်နာရီကောင်းကောင်းတစ်လုံးတော့ ၀ယ်ပတ်သင့်တာပေါ့” ကျွန်တော့်သခင်နှင့် အလွန်ရင်းနှီးသူတစ်ဦး၏စကား။ ကျွန်တော့်သခင်က ထိုသူကိုခေါင်းခါပြလိုက်ပြီး “ကျွန်တော့်ဘ၀မှာ တန်ဖိုးအထားဆုံးကဒီနာရီပဲဗျ။ ကျွန်တော့်အဖေက ကျွန်တော် (၁၀)တန်းအောင်တဲ့ အထိမ်းအမှတ်နဲ့ဝယ်ပေးခဲ့တာ။ အင်း …. လွန်ခဲ့တဲ့နှစ်(၂၀)လောက်ကပေါ့” ဤသို့ဆိုလျှင် မည်သည့်အရာဖြင့် “တန်ဖိုး”ကို သတ်မှတ်ပြန်လေသနည်း။
“တန်ဖိုး” ဟူသောဝေါဟာရကို ကျွန်တော်ကြားဖူးခဲ့သည်မှာကြာပြီ။ သို့သော် ဝေါဟာရအနက်အဓိပ္ပာယ်ကို သေချာစွာ ကျွန်တော်မသိသေး။ ကျွန်တော့်တန်ဖိုးကရော... မည်သို့ပင်ဖြစ်စေ ကျွန်တော့်သခင်၏ တန်ဖိုးအထားဆုံးမှာ ကျွန်တော်ဖြစ်နေရခြင်းကိုဖြင့် အလွန်ကျေနပ်မိပါသည်။


ကိုကြည်နိုင်

________________________________________


“တန်ဖိုး” ဆိုတဲ့ ဝေါဟာရနဲ့ပတ်သက်ပြီး ကျွန်တော့်ရဲ့ ဟိုတစ်စဒီတစ်စ အတွေးတွေကို နိုင်သလောက်လေး ဖမ်းဆုပ်ကြည့်လိုက်တာပါ.... ကျွန်တော်တို့ နေ့တိုင်းပြောပြောနေတဲ့ “တန်ဖိုး”၊ ကျွန်တော်တို့ နေ့တိုင်းကြားကြားနေတဲ့“တန်ဖိုး” ။

     “တန်ဖိုး”ဆိုတာဘာလဲ ?

“တန်ဖိုး”ဆိုတာ အဲဒီဝေါဟာရကို လက်ရှိသုံးစွဲလိုက်တဲ့ အခြေအနေနဲ့ အချိန်အခါကိုလိုက်ပြီး ပြောင်းလဲနေမယ်ထင်ပါတယ်...  ....

_____________________________________

         ကျွန်တော်လေးစားအားကျတဲ့ ကျွန်တော့်ရဲ့ရောင်းရင်းကြီး/ မိတ်ဆွေကြီး / ရဲဖေါ်ရဲဖက်ကြီး

ကိုဇော်   http://www.zaw357.net/2010/03/tag.html

ရဲ့ ** အတွေးစများ Tag **  အတွက် မှတ်မှတ်ရရ

ကမ္ဘာမြေအတွက် လက်ဆောင်




အချိန်။     ။သက္ကရာဇ်(၃၄၉၉)ခုနှစ်၊ ဒီဇင်ဘာ(၃၁)ရက်။

နေရာ။     ။ကမ္ဘာရွာကြီး၏ ဋ္ဌာနပေါင်းစုံရုံးချုပ်။

ခန်းမကြီးအတွင်း စုရုံးစုရုံးဖြင့် အတော်ပင်စည်စည်ကားကားဖြစ်နေပေပြီ။ မနက်ဖြန် ဇန်န၀ါရီ(၁) ရက်နေ့တွင်
ကျင်းပမည့် ကမ္ဘာရွာကြီး နှစ်၃၅၀၀ရာပြည့် (၃၆) ရာစုအကြိုပွဲအတွက် မကြာမီ အစည်းအဝေးစတင်တော့မည်ဖြစ်သဖြင့် တက်ရောက်လာသူုအားလုံး နေရာယူနေကြပြီ ဖြစ်ပါသည်။ ကမ္ဘာရွာကြီး၏ သက်ဆိုင်ရာဋ္ဌာနများအားလုံးမှ ကိုယ်စားလှယ်များ စုံညီစွာနေရာယူပြီးနောက် တစ်ကမ္ဘာလုံးဆိုင်ရာ ဋ္ဌာနပေါင်းစု၏ အကြီးအကဲအဖွဲ့ရောက်အလာကို စောင့်မျှော်နေကြပါသည်။

သိပ်မကြာခင်မှာပင် အကြီးအကဲအဖွဲ့ရောက်လာပြီး စင်မြင့်ပေါ်တွင် နေရာယူလိုက်ကြသည်။ ထိုသို့နေရာယူပြီးမရှေးမနှောင်းအချိန်... ခန်းမကြီးအတွင်း ၀င်းကနဲအရောင်တစ် ချက်စူးစူးရှရှလက်သွားပြီး ငွေရောင်ယဉ်ပျံတစ်စီး ဘွားကနဲပေါ်လာသည်ကိုတွေ့လိုက်ကြရပါတော့သည်။


“ ဟင်..”
“ ဟာ..! ”
“ဘာလဲ....ဘယ်ကပေါ်လာတာလ...”

ဟိုနားဒီနားမှ အံ့သြသံဝေဖန်သံများ။ ခန်းမတစ်ခုလုံး လှုပ်လှုပ်ရှားရှားဖြစ်သွားပါသည်။ ထိုယဉ်ပျံပေါ်သို့ အားလုံးအာရုံ စိုက်နေကြစဉ် ယဉ်ပျံပေါ်မှ ဆင်းလာသူကား ...     ...


“ ဟာ ”
“ ဘယ်သူလဲ...ဘယ်ဂြိုလ်ကလည်း....”
ငွေရောင်ဝတ်စုံဝတ် ဂြိုလ်သားကြီးတစ်ဦး။ အကြီးအကဲများရှေ့သို့ရောက်လာဦးညွှတ်ပြီး ...
“မင်္ဂလာပါ ကမ္ဘာသူကမ္ဘာသားအပေါင်းတို့ခင်ဗျာ...ကျွန်တော်က တိုက်တန်ဂြိုလ်ရဲ့ လက်ရွေးစင်အကျိုးတော်ဆောင် ပရောမီးသယပ်စ် ပါ...”


ဂြိုလ်သားကြီးက ပရိတ်သတ်အားလုံးသို့ ပြုံးပြလိုက်ပြီး ...

“အခုလို ကမ္ဘာသူ ကမ္ဘာသားများ အစုံအညီရှိနေချိန် ရောက်လာခွင့်ရလို့ ၀မ်းသာပါတယ်...ကျွန်တော်ရောက်လာရတဲ့အကြောင်းရင်းကတော့...ဟောဒီကမ္ဘာရွာကြီးကို အကူအညီပေးဖို့ပါ...”
“ဒါကလည်း နေစကြာဝဠာရဲ့မိသားစုဝင်ဖြစ်တဲ့ ကျွန်တော်တို့တိုက်တန်ဂြိုလ်နဲ့ ကမ္ဘာဂြိုလ်ရဲ့ အရှည်သဖြင့်ချစ်ကြည်ရေးကို ရည်ရွယ်ပါတယ်...”

ဂြိုလ်သားကြီးပရောမီးသယပ်စ်က သူ့စကားကို ခဏရပ်ပြီး အားလုံးကို တစ်ချက်အကဲခတ်ကြည့်လိုက်ပါတယ်...။

“ ဟင် ”
မျက်လုံးများ။ ကမ္ဘာသူကမ္ဘာသားအားလုံး၏ မျက်လုံးများ။ သူ့ကိုကြည့်နေသော စိမ်းဖန့်ဖန့်မျက်လုံးများနှင့် အေးစက်စက်မာကြောကြော သံမဏိသွန်းမျက်နှာများ။ အိုး....ဘုရားသခင်။ တစ်ခုခုမှားနေခြင်းဖြစ်ပေမည်။ သူမျှော်လင့်ထားသည်မှာ ကမ္ဘာသူကမ္ဘာသားများ၏ နွေးထွေးသော ကြိုဆိုမှု၊ ပျူငှာသောအပြုံးနှင့် နှစ်လိုဖွယ်မျက်နှာထားများ။ အခု ထိုအရာတွေအားလုံး ကမ္ဘာမြေပေါ်မှာပျောက်ဆုံးကုန်ပြီလား။

“အကြီးအကဲအဖွဲ့ခင်ဗျာ...ကမ္ဘာရွာကြီးနဲ့ လူသားအားလုံးအတွက် လိုအပ်နေတဲ့ အကူအညီများကို တင်ပြပေးစေလိုပါတယ်။ တင်ပြလာသမျှအားလုံးကို အတတ်နိုင်ဆုံးဖြည့်စွမ်းကူညီသွားမှာဖြစ်ပါတယ်။ ”

ခန်းမကြီးတစ်ခုလုံး အပ်ကျသံပင်ကြားရလောက်အောင် တိတ်ဆိတ်အေးခဲသွားပါတော့တယ်။ ပရိတ်သတ်က အကြီးအကဲအဖွဲ့ မည်သို့ဆုံးဖြတ်မည်ကို စိတ်ဝင်တစားစောင့်ကြည့်နေကြသည်။ အတန်ကြာမှ အကြီးအကဲအဖွဲ့ဝင်တစ်ဦးက မတ်တပ်ရပ်လိုက်ပြီး

“အခု ကျွန်တော်တို့ကမ္ဘာရွာရဲ့ ခရီးသွားလုပ်ငန်းတွေမှာ ဒီကမ္ဘာရွာကြီးရဲ့သက်တမ်းတလျှောက် အမြန်ဆုံးလို့ပြောလို့ရတဲ့ယဉ်တွေကို သုံးနေပါပြီ။ ဒါကို ဒီ့ထက်ကောင်းအောင် ဘာများကူညီနိုင်ပါမလဲ..။”
ယုံကြည်မှုပါးလျားလွန်းသောလေသံ။ ပြောပြီး အေးစက်စက်တစ်ချက်ပြုံးရင်းပြန်ထိုင်လိုက်ပါသည်။ ဂြိုလ်သားကြီးက ခဏစဉ်းစားလိုက်ပြီး....


“ ဟုတ်ကဲ့...အဲဒီနှုန်းရဲ့ (၂) ဆမြန်တဲ့ယဉ်တွေ တည်ဆောက်အသုံးပြုနိုင်တဲ့အထိ အကူအညီပေးပါမယ်..”
အကြီးအကဲအဖွဲ့ဝင်များ တစ်ယောက်မျက်နှာတစ်ယောက် ကြည့်နေကြသည်။ ဖြစ်နိုင်ပါ့မလားဆိုသည့်အကြည့်...။ နောက်....အကြီးအကဲတစ်ဦးက....

“ကျွန်တော်ကတော့ ဆေးသိပ္ပံဋ္ဌာန အကြီးအကဲပါ။ အခုဆိုရင် ကျွန်တော်တို့ကမ္ဘာရွာကြီးမှာ ရောဂါဘယတွေကို ခေတ်အမှီဆုံးဆေးပညာတွေနဲ့ တိုက်ဖျက်ခဲ့ပြီးဖြစ်လို့ ဘယ်လိုရောဂါကြောင့်မှ သေတယ်ဆိုတာမရှိတော့ပါဘူး.. အဲ...စစ်ပွဲတွေကြောင့်သာ သေကြကြေကြတာတွေများနေရတာ။
အဲဒီတော့ ဆေးသိပ္ပံပိုင်းမှာတော့ ဒီ့ထက်ပိုမကောင်းနိုင်တော့ဘူးထင်တယ်။ ”
“ဟုတ်ကဲ့ ရောဂါဘယလုံးဝကင်းစင်တဲ့ ကမ္ဘာရွာကြီးအတွက် လူ့သက်တမ်းပိုမိုတိုးမြှင့်ပြီး နုပျိုစွာနေနိုင်သွားမယ့် သက်တမ်းမြှင့်နုပျိုဇီဝနည်းပညာတွေဖြန့်ဝေပေးသွားပါ့မယ် ..”

ထို့နောက် အကြီးအကဲတစ်ဦး......
.... ..... .... .... .......။
နောက်တစ်ဦး..... ..... ...... ......။
.... ......  ......  ...... .....  ....  ....  .... ..... ......။
နောက်..............................။
..........
..... ....... ......      ........။


______________________________________


အချိန် ။        ။ သက္ကရာဇ် ( ၃၅၀၅ ) ခုနှစ်၊ ဒီဇင်ဘာလ(၃၁) ရက်။
နေရာ။         ။ ကမ္ဘာရွာကြီး၏ ဋ္ဌာနပေါင်းစုံရုံးချုပ်။

“ မင်္ဂလာပါ ကမ္ဘာသူ ကမ္ဘာသားအပေါင်းတို့ ။ အခုဆိုရင် ဟောဒီကမ္ဘာရွာကြီးဟာ လွန်ခဲ့တဲ့(၅)နှစ်ကထက် အများကြီးတိုးတက်ခဲ့ပါပြီ။ ”

ဂြိုလ်သားကြီးက ပြောလက်စစကားကိုခဏရပ်ပြီး ပရိတ်သတ်ကို အကဲခတ်လိုက်ပါသည်။ စိမ်းဖန့်ဖန့်မျက်လုံးသေများ၊ အေးစက်စက် မျက်နှာသေများအတွက်တော့ ထူးပြီးမအံ့သြတော့ပါ။

``နောက်ဆုံးပြောချင်တာကတော့ ဟောဒီကမ္ဘာရွာကြီးရဲ့ လိုအပ်တဲ့အကူအညီတွေအားလုံးကို ပေးပြီးပါပြီ။ ကျွန်တော်ဟာ မိခင်ဂြိုလ်ကို ပြန်တော့မှာဖြစ်ပါတယ်။ ကျွန်တော်ပြန်ပြီး တစ်နှစ်တိတိကြာတဲ့ နောင်နှစ်ဒီအချိန်မှာ လက်ဆောင်တစ်ခုပို့လိုက်ပါမယ်။ ယနေ့ကမ္ဘာမှာ မဖြစ်မနေလိုအပ်နေတဲ့စံပြလူသား တစ်ယောက်ပါ..

ပရိတ်သတ်များ အနည်းငယ်လှုပ်လှုပ်ရွရွဖြစ်လာကြပါသည်။ အဲဒီစံပြလူသားကို ဖန်တီးဖို့အတွက် မျိုးဗီဇ(DNA)
ကိုတော့ ဟိုးအရင့်အရင် နှစ်ပေါင်းများစွာက ဒိကမ္ဘာပေါ်မှာ နေခဲ့ကြတဲ့လူသားတွေရဲ့ မျိုးဗီဇတွေယူသွားးပါမယ်။ အားလုံးကိုနှုတ်ဆက်ခဲ့ပါတယ် ”
 

“ဒါမဖြစ်နိုင်ဘူး။လွန်ခဲ့တဲ့နှစ်ပေါင်းများစွာက လူတစ်ယောက်ဟာ အခုလူတွေကို ဘယ်နေရာမှာမှမမှီနိုင်ဘူး ”


____________________________________________

အချိန်။        ။ သက္ကရာဇ် (၃၅၀၆) ခုနှစ်၊ ဒီဇင်ဘာ (၃၁) ရက်။

နေရာ။        ။ ကမ္ဘာရွာကြီး၏ ဋ္ဌာနပေါင်းစုံရုံးချုပ်။

အကြီးအကဲများအားလုံး မျက်နှာချင်းဆိုင်ရှိ ဖန်သားပြင်ပေါ်သို့ အာရုံစိုက်နေကြချိန်၊ ဖန်သားပြင်ပေါ်တွင် ဂြိုလ်သားကြီး ပရောမီးသယပ်စ်ပေါ်လာပြီး...
``မင်္ဂလာပါအကြီးအကဲများခင်ဗျာ... အခုဆိုရင် တိုက်တန်ဂြိုလ်ရဲ့ ဆက်သွယ်ရေးကွန်ယက်နဲ့ ကမ္ဘာဂြိုလ်ရဲ့ဆက်သွယ်ရေးကွန်ယက်တို့ တိုက်ရိုက်ချိတ်ဆက်ပြီးပါပြီ။ အခုပဲကမ္ဘာမြေအတွက်လက်ဆောင် ကိုပို့လိုက်ပါပြီခင်ဗျာ....´´
ဖန်သားပြင်ပေါ်တွင်ဂြိုလ်သားကြီး၏ရုပ်ပုံပျောက်သွားပြီးခဏအကြာတွင် ခန်းမထဲသို့ မောင်းသူမဲ့ယဉ်တစ်စီး လျှောကနဲရောက်လာပါတော့သည်။ ထိုယဉ်ပျံထဲတွင်မတော့ လသားအရွယ် ကလေးငယ်တစ်ဦး။ အကြီးအကဲတစ်ဦးက ကောက်ယူလိုက်ပြီး ဇီဝနည်းပညာဋ္ဌာနအကြီးအကဲလက်သို့အပ်လိုက်ရင်း

``ဟောဒီကလေးရဲ့ ခန္ဓာဗေဒနဲ့ ဇီဝရုပ်ဖွဲ့စည်းပုံဆိုင်ရာ အချက်အလက်တွေကိုအသေးစိတ်စစ်ဆေးပေးပါ ´´ 

ထို့နောက် ကလေးငယ်ကို ဇီဝနည်းပညာဆိုင်ရာသုတေသနခန်းရှိရာသို့ ခေါ်ဆောင်သွားပါတော့သည်။ အကြီးအကဲများအားလုံး ရှေ့နံရံပေါ်ရှိ ဖန်သားပြင်ဆီသို့ ၀ိုင်းဝန်းကြည့်ရှုနေကြပါသည်။ သုတေသနအခန်းမှ ၀န်ထမ်းများအားလုံး စက်ခလုတ်ခုံများရှေ့တွင်ထိုင်ရင်း အလုပ်ရှုပ်နေသည်ကို တွေ့နေကြရပါသည်။ သူတို့ရှေ့ ဖန်သားပြင်များပေါ်တွင်လည်း ကလေးငယ်နှင့်ပတ်သက်သော အချက်အလက်များ တဖျပ်ဖျပ်ပေါ်နေပါသည်။ မကြာမီ သုတေသနဋ္ဌာန၏ အကြီးအကဲပုံပေါ်လာပြီး

``အကြီးအကဲအဖွဲ့ခင်ဗျာ...အခုဆိုရင် ကလေးငယ်နဲ့ပတ်သက်တဲ့ စစ်ဆေးတွေ့ရှိချက်များကို အစီရင်ခံပါတော့မယ်..´´ 

သုတေသနအကြီးအကဲက သူ့ရှေ့ဖန်သားပြင်ကို တစ်ချက်ပြန်ကြည့်လိုက်ပြီး....

``(တစ်) ခန္ဓာကိုယ်ဖွဲ့စည်းတည်ဆောက်ပုံ။ ယနေ့လူသားတစ်ဦး၏ ဖွဲ့စည်းတည်ဆောက်ပုံအတိုင်း ´´ 


အကြီးအကဲများအားလုံး ခေါင်းတဆတ်ဆတ်ညိတ်ရင်းဆက်လက်နားထောင်နေကြပါသည်။

``(နှစ်) ဦးဏှောက်။ ယနေ့လူသားတစ်ဦး၏ အိုင်ကျူအဆင့်အတိုင်း ´´

အကြီးအကဲများအချင်းချင်း ..... ဒါများဘာလို့လက်ဆောင်ဆိုပြီးလာပေးနေရသေးလဲ ဆိုသည့်အကြည့်ဖြင့် တစ်ဦးကိုတစ်ဦးကြည့်နေကြပါသည်။သုတေသနဋ္ဌာနအကြီးအကဲကဆက်ပြီး....

``(သုံး) သွေးလှည့်ပတ်ပုံစနစ်။ ယနေ့လူသားတစ်ဦး၏သွေးလှည့်ပတ်ပုံစနစ်အတိုင်း...သို့သော်.....´´

သုတေသနဋ္ဌာနအကြီးအကဲက သူ့ရှေ့ဖန်သားပြင်ပေါ်သို့ အသေအချာပြန်ကြည့်ပြီး... 

``ကလေးငယ်၏ နှလုံးသားတွင် ကိန်းအောင်းနေသော  စွမ်းအင်တစ်ရပ်ကိုတွေ့ကြရပါတယ်... လွန်ခဲ့တဲ့နှစ်ပေါင်းများစွာက လူသားတို့မှာတွေ့ရတဲ့စွမ်းအင်ပါ...´´

အကြီးအကဲအဖွဲ့အလွန်စိတ်ဝင်စားလာကြပြီး..

``ဟုတ်ပါပြီ...ဆက်ပြောပါ အဲဒီစွမ်းအင်အကြောင်းကို....´´ 

သုတေသနအကြီးအကဲက...
``အဲဒီစွမ်းအင်နဲ့ပတ်သက်တဲ့ အသေးစိတ်အချက်အလက်ကို မသိရသေးပါဘူး...ထပ်မံစစ်ဆေးပြီး သတင်းပို့လိုက်ပါ့မယ် ´´

ပြောပြီး သုတေသနဋ္ဌာနအကြီးအကဲ၏ပုံရိပ် ပျောက်ကွယ်သွားပါတော့သည်။ ကျန်ခဲ့သောအကြီးအကဲအဖွဲ့လည်း ဘာမှန်းမသိရသေးသည့် စွမ်းအင်နှင့်ပတ်သက်ပြီး အမျိုးမျိုးထင်မြင်ယူဆကြလျှက် သုတေသနဋ္ဌာန၏ သတင်းအပို့ကို စောင့်နေကြပါသည်။ မကြာမီမှာပင် ရှေ့ဖန်သားပြင်ပေါ်တွင် သုတေသနဋ္ဌာနအကြီးအကဲ ပေါ်လာပြီး....

                                                                  ``အကြီးအကဲအဖွဲ့ခင်ဗျာ..အမည်မသိစွမ်းအင်ရဲ့အချက်အလက်အကြမ်းကို ဖေါ်ထုတ်ရရှိပါပြီ.. အဲဒီစွမ်းအင်ဟာ  လွန်ခဲ့သောနှစ်ပေါင်းများစွာ(၂၀ရာစုနှောင်းပိုင်း)ကစပြီး တဖြည်းဖြည်း တိမ်မြုပ်ပျောက်ကွယ်ခဲ့တဲ့ စွမ်းအင်ဖြစ်ပါတယ်။ ဘယ်နေရာမှာ ဘယ်လိုအသုံးချတယ်ဆိုတာကိုတော့ မဖေါ်ထုတ်နိုင်သေးပါဘူး...´´

...........             ................

.............            ............             ...............

သတင်းပို့သူ သုတေသနဋ္ဌာနအကြီးအကဲက သူ့ရှေ့ရှိ ဖန်သားပြင်ကို  သေသေချာချာပြန်ကြည့်လိုက်ပြီး....

`` အဲဒီစွမ်းအင်ကို နှစ်ဆယ်ရာစုတွင်းလူသားတွေက
        
မေတ္တာတရား

လို့
........

 အမည်ပေးခဲ့ကြပါတယ်...။                         ။


ကိုကြည်နိုင်


( ၂၀၀၆ ခုနှစ်၊ ဖေဖေါ်ဝါရီလထုတ် ပိတောက်မြေမဂ္ဂဇင်း- အမှတ် ၃၄ - မှာ ကျွန်တော်ရေးခဲ့တဲ့ ၀တ္ထုတိုလေးပါ...)